Kamfanin Sugar na Dangote ta inganta harkar ilimi ta hanyar samar da kyakkyawar yanayin ɗaukar darrussa a yankin Numan

   Daga  Babangida  Galleon 

Kamfanin Sugar na Dangote  dake Numan ta tallafawa  makarantar jeka da dawo dake  yankin Ngbalang da kujerun karatu a kokarin ta na dafa wa gwamnatin jaha gurin inganta harkar ilimi a faɗin jahar.

A jawabin da yayiwa manema labaru jim kadan bayan mika waɗannan kujeru  wanda aka yi a harabar makarantar, shugaban sashin kula da ma'aikata na kamfanin, Mista Moses Joash yace daukan wannan mataki na kumshe cikin tsarin tafiyar da kamfanin a bangaren karfafa harkar ilimi a cikin al'ummomi dake kewaye da ita.

Shugaban sashin kula da ma'aikatan , Mista Moses Joash 

Yayi bayanin cewa bada wannan tallafi ya zamo tilas ganin muradin kamfanin ne  baiwa ilimi fifiko, musamman na yara manyan gobe.

  

Moses  ya bada tabbacin cewa kamfanin zata ci gaba yin iya kokarin ta gurin bada gudummowa domin ci gaban wadannan al'ummomi dake kewaye da ita.

Shugaban makarantar, Malam Suleiman Abbas wanda ya amshi  kujerun a madadin makarantar ya godewa kamfanin Dangote da wannan kokarin, lamarin da yace zai taimaka matuka a bangaren malamai da ma daliban baki daya.

Sakataren ma'aikatar ilimi na karamar hukumar Numan 

 Kwamaret  Patrick Bauti, wands har wa yau shi ya wakilci shugaban karamar hukuma ya godewa kamfanin sugar na Dangote da bada wannan gudummowa, inda ya bada tabbacin kula da kuma adanan su.

A nasu jawabin, hakimin yankin Imburu wanda ya wakilci masarautar kasar Bachama, da sauran masu ruwa da tsaki sun mika sakonnin godiga da jinjina wa kamfanin Dangote da yadda take ci gaba da tainakawa  a bangaren ilimi da ma sauran bangarorin, tare da bada tabbacin bata goyon bayan su a ko da yaushe.

Abubuwa da suka wakana yayin bukin sun hada da rawan gargajiya daga ɗaliban makarantar.