ENGR. AHMAD SALIHIJO AHMAD YA MIƘA TA'AZIYYAR RASUWAR GWAMNA FINTIRI NA GOGGOYARSA TA ƘAƘA

Daga Ibrahim Abubakar Yola.

Ɗan takarar jam'iyyar APC a zaɓen Majalisar Wakilai mai wakiltar mazabun tarayya na Yola ta Arewa, Yola ta Kudu da Girei, Engr. Ahmad Salihijo Ahmad, ya miƙa saƙon ta'aziyyarsa ga Gwamnan Jihar Adamawa, Mai Girma Rt. Hon. Ahmadu Umaru Fintiri, bisa rasuwar goggo yarsa ta ƙaƙa, Hajiya Halima Mamman Wafudu.

Alhaji Ibrahim Abubakar Darakta, Yaɗa Labarai da Hulɗa da Manema Labarai Kwamitin Yaƙin Neman Zaɓen Engr. Ahmad Salihijo Ahmad ne ya baiyana haka a wata sanarwa da ya rabawa manema labarai a Yola.

A madadin daukacin kwamitin yaƙin neman zaɓensa da al'ummar mazabun tarayya na Yola ta Arewa, Yola ta Kudu da Girei, Engr. Ahmad Salihijo Ahmad ya miƙa saƙon alhini da ta'aziyyarsa ga Mai Girma Gwamna da daukacin iyalansa bisa wannan babban rashi.

Ya roƙi Allah Maɗaukakin Sarki (SWT) da Ya gafarta wa marigayiyar kurakuranta, Ya sanya ta cikin rahamarsa, Ya kuma ba ta madaukakin matsayi a cikin Aljannatul Firdaus.

Haka kuma, yana roƙon Allah Maɗaukakin Sarki da Ya ba Mai Girma Gwamna, iyalan marigayiyar da dukkan waɗanda wannan rashi ya shafa haƙurin jure wannan babban rashi, da ƙarfin zuciya da dauriya.